Kurash bo‘yicha mahorat darsi va trening mashg‘uloti tashkil etildiO‘zbekiston Respublikasi Prezidentining 2022-yil 25-maydagi PQ–259-sonli “Etnosport turlarini ommalashtirish va rivojlantirish chora-tadbirlari to‘g‘risida”gi qarorining 5.5-bandida ta’lim muassasalarida malakali ustozlar, trenerlar, polvonlar hamda mutaxassislar ishtirokida seminar, trening va mahorat saboqlarini tashkil etish vazifasi belgilab berilgan.

Mazkur topshiriqlar ijrosini ta’minlash maqsadida kurash bo‘yicha oliy toifali murabbiy, xalqaro toifadagi hakam va xalqaro toifadagi sport ustasi Odambayev San’atbek ishtirokida Xorazm viloyati kurash mahorat maktabida mahorat darsi va trening mashg‘uloti tashkil etildi.

Tadbir davomida yosh sportchilarga milliy sport turlari, ayniqsa kurash sir-asrorlari haqida amaliy ko‘rsatmalar berildi.